ég var búin að skrifa rosa stóra færslu, en tölvan mín er með smá mótþróa og þurrkaði hún allt út áður en það náði að vistast.   Er of þreytt til að setja þetta allt inn aftur, sé til með hvort að ég nái því á morgun annars um helgina.   En já...ég er sem sagt komin aftur.....

Lenti í því seinnipartinn í gær að Hekla byrjaði að æla...   Og þar sem hún er ekki alveg að samþykkja það að það er betra að æla í fötu heldur en á gólfi og á fötin sín....þá var ég.....já í frekar subbulegu verki fram á kvöld.

Hún hafði auðvitað ekki list á kvöldmat, þannig að við settum hana bara inn í rúm rétt um 8 og sofnaði hún strax.    Hún vaknaði svo um hálf 10, vildi koma fram...   svo að ég leyfði henni það og hún náði að borða hálfa ristaða brauðsneið og drekka smá vatn.   Og sem betur fer hélt hún því niðri.  Rétt rúmlega 10 var henni komið aftur fyrir í rúminu og sofnaði hún þar, og mér til mikillar gleði hélt hún brauðinu og vatninu niðri.

En þar sem hún hafði farið að sofa svona snemma, þá var hún auðvitað vöknuð fyrir klukkan 7 i morgun, þannig að við fórum fram, horfðum á einn Dóru þátt, og þá var klukkan orðin 7 og barnaefnið á stöð 2 byrjað.   Guði sé lof að þeir byrja klukkan 7 en ekki klukkan 8 eins og RÚV.

Restin af deginum er svo óskrifað blað....fer allt eftir því hvernig Hekla verður...  Kannski ekki sniðugt að kikja mikið í heimsóknir eftir svona ælu vesen.... Kannski við verðum bara heima í rólegheitum...hún að leika sér og ég að skrappa....

Með þetta veður???   -6 stóð á mælinum í bílnum hjá mér klukkan hálf 9 í morgun þegar að ég var að fara með Heklu á leikskólann.    Hver pantaði þennan hel***** kulda???     Þetta er sko bara ekki í boði.... ef einhver er að fíla þennan kulda þá skal ég persónulega safna pening handa viðkomandi AÐRA leiðina til Síberíu!

Jæja, að öðrum málum.... sem eru þegar að ég hugsa það....engin!   Já það er rétt...héðan er bara ekkert að frétta.   Fór jú til Boston í byrjun des að hjálpa Hildi heim, náði nú að versla aðeins....  Keypti mér geggjuð stígvél, og svo fullt af fötum á Hlíðar.  

Jólin gegnu svo sinn vanagang... það voru 1-2 jólaboð alla dagana....voða ljúft að þurfa ekki að elda....en ég hefði nú samt alveg viljað vera bara heima einhverja þessa daga, kúra bara í náttfötunum með góða bók eða bíómynd... En sá tími mun koma...

Nú hafa nokkar af mínum vinkonum ákveðið að læsa sínum bloggum.... Finnst það rosalega sniðug hugmynd...   vissi bara ekki að það væri hægt, svo að ég hef tekið þá ákvörðun, eftir að hafa fundið út hvernig ég læsi henni að gera það... hún verður opin samt núna yfir helgina, en eftir það verðið þið að senda mér póst um ósk um aðgang ef þið viljið lesa bullið í mér...

...og mikið stress....

 Er búin að vera að vinna fyrir kallinn aðeins núna síðustu daga.   Hef svo verið að þvo þvott og reyna að taka til, því að jólin eru víst á næsta leyti....

Fór á Frostroses í gær, í boði Glitnis.   Það var bara geggjað.  Var fyrst ekki að nenna að fara....þekkti bara Röggu Gísla og Eivor, en skellti mér svo bara og sé ekki eftir því.   Það var svo fordrykkur á undan, freyðivín og snittur.  Rosa flott.

Nú og svo er ég að fara að skreppa aðeins til Boston um helgina.  Fer á morgun, fimmtudag, og kem heim á mánudagsmorgun.   Ætla nú ekki að versla neitt....kannski pínku pons....en ekkert á við það sem ég gerði í Minneapolis í sept.   Ef ég geri það, þá skilur kallinn endanlega við mig

Læt í mér heyra eftir helgi.....

....eða svona næstum því.    Er búin að vera á fullu núna seinni partinn að baka og skreyta Dóru köku handa unganum mínum.   Þar sem að afkvæmið á afmæli núna á næstu dögum, þá var ákveðið að halda upp á það á morgun, og þar sem maður á von á góðum slatta af ættingjum, þá varð ég náttúrulega að skella í eins og eina-tvær kökur.

Fyrir valinu varð Dóru kaka sem aðalkaka, svo veður eitthvað meira...gerði í dag líka ístertu og steikti svona míni kjötbollur.   Mamma ætlar svo að koma á morgun og gera fyrir mig eplarétt....svona rétt á meðan að ég þurrka af  og skúra, en það eru einu verkefnin sem eru eftir....já og taka til inni hjá Heklu....en það tekur ekki nema ca 10 mín og verður gert svona rétt áður en gestirnir ganga í bæinn....svona svo að hún verði ekki búin að róta öllu út aftur

En það verða teknar myndir í afmælinu og mun ég setja þær inn á síðuna hennar Hekla við fyrsta tækifæri.   En nú er ég farin að sofa.....Góða nótt

Ég gleymdi sem sagt að minnast á eitt smávægilegt atriði þegar að skrifaði inn færsluna í gær.   Á mánudeginum eftir að við komum út, fórum við í svona dekurdag á snyrtistofu í mollinu.   Ég fór í klukkutíma nudd, fótsnyrtingu, andlitsbað, fékk gelneglur, og ætlaði svo að fá mér strípur....svona aðeins til að laga rótina.....  Það fór ekki alveg eins og ég hafði hugsað mér.....  Ég sagði stelpunni að ég vildi láta klippa mig, og að hún mætti ráða hvernig, ef ég gæti bara náð hárinu í tagl, og hún hoppaði næstum hæð sína af gleði.....nú og svo sagði ég henni að ég væri svona að hugsa um að biðja hana um að setja ljósar strípur í hárið, en henni fannst það ekki alveg nógu gott.....sérstaklega þar sem við vorum báðar sammála um það að endarnir væru orðnir svolítið...."gráir" af oflitun.....og hún spurði hvað ég væri búin að vera lita á mér hárið lengi, og þegar að ég sagði í svona 12-15 ár, þá fékk hún greyið nett áfall.   Svo að hún sagði mér að sér langaði að prófa svolítið.....og spurði hvort ég treysti henni, og ég ákvað að taka smá áhættu og sagði "Já!".    Nú hún setti ljósar strípur í mig og dökkar strípur líka.....OG litaði svo restina af hárinu einum tóni ljósara en rótin á mér var.   Svo núna er ég sem sagt komin með minn rétta hárlit aftur eftir öll þessi ár.    Svo þegar að hún var að skola litinn úr, og sá krullurnar mínar, þá (þar sem hún fékk að ráða klippingunni) klippti hún það rennandi blautt og klippti á mér hárið eftir krullunum.    Ég hef aldrei, aldrei, ALDREI verið eins ánægð með klippingu áður.   Og það tók mig viku að venjast hárlitnum, en núna er ég rosalega ánægð með hárið á mér

Jæja þá er ég komin heim....reyndar fyrir löngu.....en hef bara ekki haft orku í að skrifa mikið inn á tölvuna.

Fór sem sagt (fyrir þá sem ekki vita) til Minneapolis í viku með nokkrum skrappvinkonum.   Og  var þetta geggjuð ferð.  Við Hildur vinkona töluðum um að gera þetta að árlegum viðburði   Nú og auðvitað var VERSLAÐ....hverju öðru bjuggust þið við???     Keypti reyndar mest á Heklu, næstum fulla ferðatösku af fötum....en hey....er þetta ekki alltaf svona þegar að maður eignast barn.....maður eyðir meiri pening í föt á þau en sjálfan sig.    En alla vega þá á hana ekki eftir að skorta föt fram á næsta ár.  Náði nú samt að kaupa eitthvað smotterí af fötum á sjálfa mig, fann reyndar engar buxur, en keypti mér í staðin nokkra hversdags boli og nokkra spari boli, 2 skó og náttföt/heimaföt,  æi þið vitið...svona sem þægilegt er að dúllast í heima á kvöldin og þegar að maður er nýkomin úr sturtu.

Og JÁ....til að svara spurningu nokkurra....þá keypti ég svolítið af skrappi og stimplum.   Hlakkað geggjað til að fara að nota þetta.   Er bara búin að vera smá svona niðurdregin síðustu daga,  er búin að vera skökk í bakinu og það fer í skapið á mér....verð svona hálf niðurdregin eitthvað....en það ætti að fara að lagast þar sem ég á tíma í hnykkingu í næstu viku.....hef einmitt lítið getað sofið út af bakinu.....

En af Heklu að frétta er það að orðaforðin er orðin stórkostlegur....hún veit sko upp á hár að hún er 2ja ára, og hún getur talið upp á 12. (hún vill reyndar stundum gleyma 6 og 7, en þetta kemur allt saman)    Er búin að ákveða að halda upp á afmælið hennar þann 29. okt.  þannig að Hildur vinkona, Gabríella Kamí og Anika Rós geta komið í afmælið.   Ætla að baka Dóru köku og er ég nokkuð viss um að Heklan mín eigi eftir að vera ánægð með hana.    

Um næstu helgi erum við svo að fara í Halloween partý....Hekla getur annað hvort farið sem Tumi Tígur úr Bangsimon eða sem Dóra....keypti Dóru búning á hana úti.   Á sjálfa mig keypti ég búning, sem á að vera að Grískri gyðju....hann er reyndar full mikið flegin, á eftir að sjá hvort ég geti ekki verið í hlýrabol innan undir.......

....er liðin og alvara lífsins tekin við.   Fór niður í HT á laugardaginn til að skúra, kom svo heim, tók okkur öll til og kl 5 vorum við lögð af stað upp í sumarbústað hjá tengdó.    Þar tók við bara algjör afslöppun, Hekla fílaði sig í botn.  Gat verið úti að leika sér svotil allan daginn.   Afi hennar og pabbi tóku það aðsér að leika við hana og fylgjast með henni.   Á meðan sat ég inni og saumaði kort.   Fór reyndar á sunnudeginum á Selfoss að hitta nokkrar skrappvinkonur.    Þær voru reyndar ekki að skrappa heldur að perla og sauma út, og lét ég plata mig í að gera eina svona litla perlubjöllu, sem ég svo gleymdi uppi í bústað.   Var ég með þeim í rúma 3 tíma og var það mjög gaman.   Svo var klukkan orðin 4 ok komin tími á að koma sér til baka upp í bústað, og var ég komin tímanlega fyrir kvöldmat.

Við komum svo heim í gærkvöldi, sluppum alveg við alla umferð og svo var það bara venjuleg rútina í dag.  Þvo þvott, setja i uppþvottavélina, hugsa um Heklu, fara út í búð að versla og þess háttar störf.       Jú það var ein breyting.....Berglind frænka kom í heimsókn, ég var að kenna henni að búa til svona nammikrans til að hafa á borði.   Heklu fannst voða merkilegt að fá stóru frænku svona í heimsókn, var hún alltaf að koma til Berglindar til að sjá hvað hún væri að gera.

Fór í dag í Völustein,   það á víst að loka búllunni, og keypti mér tvinna.    Já, nú hugsar þú kannski....tvinna....af hverju gat hún ekki keypt hann í Rúmfó???.   Já, málið er nefnilega það að þetta er sérstakur tvinni.   Tvinni sem ég nota þegar að ég sauma kortin mín (myndir af þeim inni á síðunni hennar Heklu), og þar sem að það er verið að loka Völustein þá er flest allt í búðinni á 50% afslætti.   Þannig að ég fór með Hildi vinkonu í dag og keypti mér nokkra liti.   Ætla svo í kvöld eða í fyrramálið að fara yfir alla tvinnana mína, skrifa niður númerið á þeim, og fara svo kannski á morgun að kaupa fleiri.   Alla vega af þessum sem ég nota mikið, því að svona verð eins og ég fékk þá í dag verður sko ekki í boði eftir nokkra daga.

Hef svo verið að velta því fyrir mér, hvort að það séu einhverjir sem lesa þetta blogg.  Kannski að það skipti ekki máli.....ég er jú líka að þessu fyrir sjálfa mig

Gleymdi að setja það hér inn í gær að ég bjó til nýjan tengil.  Þetta er linkur á síðuna hjá Gabríellu Kamí og Aniku Rós sem eru dætur Hildar vinkonu.   Þær eru með Goldenhar og ég held að það séu bara 6 börn á öllu landinu með þetta ef ég tel þær báðar með.  

Ég var nú nokkuð dugleg í dag.    Það sem mér tókst að afreka var þetta:   Á meðan að Hekla svaf úti á svölum þá vann ég þær nótur sem komnar eru, gaf svo litla dýrinu mínu að borða þegar að hún var vöknuð, fór og sótti Hildi vinkonu og skelltum við okkur niður í Ráðhús til að skoða samsýningu sem þar er.  Ein vinkona okkar á verk þar.   Nú svo eftir að hafa skoðað sýninguna fórum við í smá labbitúr um miðbæinn, ákváðum svo að skella okkur í Smáralindina, þar löbbuðum við um og versluðum svona smá.   Fórum meðal annars í dótabúðina og ég keypti svona sandkassa dót fyrir Heklu og svona lítið leiktjald hvoru tveggja á 50% afslætti.

Já og svo fór ég um daginn í Kringluna og keypti mér geggjaða skó.   Get ekki alveg sagt ykkur hvaða merki þeir eru þar sem ég kann ekki að skrifa það rétt og nenni ekki að hlaupa fram og gá að því, en þetta eru svona hálfgerðir ballerínu skór eins og eru í tísku núna.   En OMG hvað þeir eru þægilegir.....var ég kannski búin að nefna það???

Svo hef ég aðeins verið að skrappa.....er búin með nokkrar síður sem ég þarf endilega að fara að taka myndir af og setja inn á síðuna hennar Heklu.

Fór í gærkvöldi að hitta nokkrar skrappvinkonur. Við vorum nú aðallega að spjalla og svona, en mikið rosalega var gaman. Við hittumst heima hjá Jónu, og við Hildur réðumst á tölvuna hennar, vorum þar í geggjuðu kjánakasti. Dældum út aulabröndurum, sem varð til þess að við orguðum úr hlátri, vorum komnar með í magan, og það besta var að þær frammi voru ekki að fatta hvað væri svona gaman hjá okkur. Ætla ekki að fara að reyna að lýsa því hér, því eins og í gær....þú hefðir þurft að vera þar til að fatta djókið. En allavega, þá hef ég ekki skemmt mér svona vel eða hlegið svona í langan tíma, án gríns þá var ég um það bil að pissa á mig af hlátri nokkrum sinnum, og það er ekki laust við að ég sé með harðsperrur í maganum eftir gærkvöldið.

.....hér inni, en það er komin færsla inni á síðunni hennar Heklu.   Sé til hvort að ég nenni að endurtaka flesta allt þar hingað inn eftir helgi, annars verður smá bið eftur uppfærslu þar sem ekki mikið gerist hjá mér þessa dagana.

Jæja, þá er komið að því.  Undankeppnin er í kvöld, og ég ætla að horfa.   Já ég viðurkenni það alveg að mér finnst þrælgaman af þessarri keppni og horfi alltaf á hana.    Og mér finnst nokkuð spennandi að sjá hvort að Silvía Nótt komi okkur upp úr undankeppninni og í stóru keppnina á laugardag.    Ég er svona eiginlega að vona það, þar sem að það verður meira "spennandi" að horfa á aðalkeppnina ef Silvía verður með.  Svona til að sjá hverjir gefa okkur stig, hversu mörg og það allt.

Það er allt að verða klárt hér heima fyrir partýið á laugardaginn.   Ég keypti mér kjól til að vera í við buxur úti í Köben og ætla ég að vera í honum, nú svo lét ég laga hálsmenið mitt og eyrnalokkana sem ég ætla að vera með við kjólinn, og keypti mér líka nýja spari skó frá Ecco út í Köben svo að ég verð svaka flott (eða ég vona það allavega).    Matseðillinn er svotil komin,og ég fer í dag að kaupa allt inn, gos í bolluna, snakkið og allt hitt.    Mamma ætlar að vera með Heklu, svo að þetta er bara allt að smella saman.      Mér er sko strax farið að hlakka til,  hafa fullt af vinum okkar hér, og bara spjalla og skemmta mér með þeim.  Djamma og djúsa og alles

Eigið gott kvöld í kvöld.......og......

ÁFRAM ÍSLAND!!!

Jæja þá er enn einn dagurinn á enda, og ég einum degi eldri en í gær.    Það gerist nú ekki mikið margt vert hjá mér þessa dagana.   Kallin var í frí á þriðjudag og miðvikudag, og notuðum við tímann í að taka aðeins til hérna heima.  Fór svo á þriðjudagskvöldið að hitta nokkrar skrappvinkonur.    Og það var svo gaman hjá okkur að við ákváðum nokkrar að hittast heima hjá Hildi vinkonu í morgun, þar sem að hún er að fara norður og verður þar í 10 daga. 

Ég er búin að vera í smá líkamlegri lægð núna, veit af henni, en kem mér ekki í það að vinna úr henni.   Hef bara ekki alveg nógu mikið sjálfstraust núna, það eru svona smá hlutir sem gera mér erfitt fyrir og aðrir sem hjálpa ekki upp á skapið.

Orðaforðinn hjá Heklu eykst finnst mér næstum vikulega, sem er bara gaman, og vonandi verður hún komin á fullt í haust þegar að hún byrjar á leikskólanum.    Og hún þroskast svo mikið og er bara svo klár að mér finnst alveg æði að vera mamma hennar.   Hún fór í 18 mánaða skoðun núna á mánudaginn, og er hún orðin 10,755 gr og 84 cm.  Svo fékk hún sprautu, og henni gat ekki staðið meira á sama.   Það breyttist ekki einu sinni svipurinn á andlitinu á henni.   Ekkert smá dugleg.